Osmanlı Makaleleri (Edebiyat-Tarih-Kültür)

… Nişânda olan cevâhir tepsileri ve şeker tablaları ve şeker kutuları üzerine cümle boyamalar örtülüp, işbu defter mûcibince nişân ve hediyeler teslîm ve sa’âdetlu, ‘ismetlu Fâtıma Sultân efendimiz hazretlerinun nişânı husûsı tekmîl ve tetmîm oldı.Ve yine yevm-i mezbûrda kerîme-i hazret-i şehriyârî sa’âdetlu, ‘iffetlu Ümmü Gülsûm Sultân hazretlerine dahi kubbe-nişîn vezîr-i ekrem sa’âdetlu ‘Abdurrahmân Paşa hazretleri tarafından nişân gelmek fermân buyurulmağın, şadr-ı a’zam kethudâsı ‘Abdullâh Aga gidüp nişânı ahz ve anun dahi nişân tepsileri ve şeker tablaları üzerine boyamalar örtülüp, evvelki tertîb üzere yine vâcibü’r-re’âyâ agaları getürüp, sarây-ı cedîd-i ‘âmireye dâhil olduklarında yine ber-minvâl-i sâbık, sarây-ı ‘atîk teber-dârlarına teslîm, anlar dahi sa’âdetlu dârü’s-sa’âdetü’ş-şerîfe agası hazretleri taşra çıkınca başları üzere tutup, ba’idehu aga hazretleri çıkup, sadr-ı a’zam kethudâsı ile görüşüp ve nişânı alup, tetrîb-i sâbık üzere rikâb-ı müstetâb-ı husrevâneye ‘arz ve teblîg, ve manzûr-ı hümâyûn-ı şehriyârî oldukda nişânı ve hediyyeleri yirlü yeine teslîm ve tekrâr…(Kitap’tan sf.544)